今年係聖誕節前,
余媽媽係屋苑會所搞左個
小型BB聖誕party迎聖誕~
今次我地約埋幾位朋友一齊慶祝,
希望俾大家嘅小朋友一齊玩吓同認識吓！
當日我地早小小去攞場, 跟住做左d簡單佈置~
Party開始了!
大家一齊食吓野先。。。
小朋友無理由有得睇, 無得食,
所以余媽媽都準備左一d
飲品和小食俾佢地~
余小b因為眼瞓扭左一陣計,
之後一見到野食就開心番!
食飽飽不如玩吓遊戲吖！
小朋友一齊打波波(汽球)。。。
玩到攰攰地, 不如做d靜態嘅活動吖！
一齊做聖誕小手作^0^
事先已經準備好幾款聖誕圖案和彩色貼紙,
小朋友可以自由裝飾佢地幅畫!
出乎意料之外,
今次勞作時間大受好評,
呢班小朋友超鍾意~
小朋友坐得耐又想郁動吓喇~
嚟個Bubble time!
吹泡泡真係無敵呀！
小朋友大愛~
大家都四圍拍泡泡,
開心停不了！
雖然幾位小朋友有男有女,
而且唔同年紀
(最大快3歲, 最細就係余小b,得16個月大),
但大家一到遊戲時間,
個個都玩得好投入喎！
見到余小b同其他小朋友玩得咁開心,
余媽媽就覺得間中一齊搞吓活動都唔錯,
就算事前多小小準備功夫都值得嘅！
最梗要係盡興~
開心嘅時間過得特別快,
party已經到左尾聲喇!
臨走前派番份聖誕禮物俾每位小朋友先~
呢個禮物包係咪好包羅萬有呢？
有得玩又有得食, 夠晒實用!
其實余媽媽都選左好耐
才搵到呢d個個都啱用嘅禮物!
買禮物俾其他小朋友嘅感覺
真係好幸福呢~
小朋友收到禮物時嘅笑容就係
余媽媽俾心機去選合適的禮物的動力
話說回來,其實自余小b出世後計起,
余媽媽都搞左3次BBs party了! (可點掣文末的相關連結)
有小小經驗可以跟大家分享一下:
1) 場地配套:
小朋友人數多的話,
最好選大空間和有遊戲設施的地方,
如play house。
2) 遊戲設計:
一歲以上的小朋友處於探索期,
好奇心重兼且坐唔定,
一定要用d遊戲同佢地放下電,
決不能由他們呆坐啊！
除集體遊戲外,
余媽余小b建議加入勞作時間,
特別是如果部分孩子偏靜和怕羞,
相信可以藉勞作時間俾佢地warm
up吓!
這也應能讓小朋友從跑跑跳跳中靜下來休息~
3) 禮物安排:
小朋友收到有禮物一定會好開心d,
特別當天是BB生日會或節日派對。
所以, 如果時充裕可和人手充足的話,
可以提早搵贊助商贊助免費禮物。
因為現在好多公司/
BB/媽媽會的大小聚會,
所以搵sponsor其實不會太難,
有恆心就得喇!
(再次感謝過去曾贊助我們媽媽會的sponsors啊！)
但如果時間唔夠,
都可以預留小小錢買d
實用嘅禮物~
一set咁買會比單件買較平!
余媽媽希望嚟梗如果有時間
可以再搞多些BB聚會啦！
沒有留言:
張貼留言