親子好去處☆※☆西貢火山探知館Y(^_^)Y

上星期余媽媽一家到了西貢放電! 

因為係平日關係, 遊客相對較少, 所以行得好舒服~

除左去吸收大自然的靈氣外, 

今次西貢之行我地仲去左新開嘅火山採探知館參觀呢！

係免費入場的, 正! 又多個親子好去處了~

相信火山對大部分香港人來說可能比較陌生。

而余媽媽只是中學時代修讀地理科時學過些皮毛, 

所以都想趁今次呢個機會學下野~

西貢火山探知館其實係由漁農自然護理署設立，

西貢區社區中心營運, 

係今年7月中才正式開幕。

它位於西貢市海濱公園(巴士總站旁), 

交通方便又易找!

入館前見到館外有些得意的畫面, 立即拍下~

望落去真係栩栩如生喎~

展區只開到下午4點半, 我們要趕快入場啦～

連余小b也很心急, 趕快推車入場~

初時以為呢個展館無咩野睇, 

因為唔算好大, 只得一層......

但細心睇, 

其實d模型真係造得唔錯~

又有唔同嘅岩石展出, 

可以俾我們認識多d有關火山活動嘅情況和歷史。

入到去, 我地都俾呢座好sharp嘅

盾狀火山模型吸引左, 

所以無按佢嘅觀賞次序參觀~

呢度展出了世界各地的六角岩柱及

香港六角岩柱形成過程、

火山學的基本介紹、火山構造、

火山噴發方式、板塊邊界類型、

來自世界各地由不同火山產生的火成岩

及香港地質公園的景區介紹等。

設電腦平台供遊客自行翻閱相關資訊~

喜歡集郵嘅朋友可以順道購買首日封和蓋章~

在服務台亦可以買到一些記念品呢！

火山探知館還提供免費導賞活動，

學校、團體和公司都可以預約這項服務, 

費用全免, 每場最多可容納40人。

如果大家想觀賞香港地質公園之景點，

火山探知館亦提供多元化的地質導賞團報名服務, 

非常方便。

對只有15個月大的余小b來說, 

同佢講咩叫火山可能深左小小, 

但余小b自己都識搵「節目」, 自得其樂~

每件模型展品佢都想模下!└(^o^)┘

今次黎到呢個探知館就好似上左

一堂充實的地理課, 

讓我們了解到火山和地理現象

之間的密切關係。

如果大家去開西貢玩, 

可以預留一些時間入館參觀啊！

相信對於幼稚園或以上的小朋友來說, 

呢度亦是個不錯的學習好地方啊~

有關火山探知館:

開放時間：

服務台
每天：上午9時 至 下午5時

展覽區

每天：上午9時30分 至 下午4時30分

農曆年初一及初二休館

電話查詢: 2394-1538

火山探知館網址: http://www.volcanodiscoverycentre.hk/zh/

以下是余媽媽と余小bのFacebook啊~

余媽媽手記

My Blog Links:

Blogspot

MyBB

Supermami

WeShare

She.com

the Ztyle

SeeWide

有關產品試用/活動邀請，歡迎與余媽媽聯絡

Email: qsmartland@gmail.com

Facebook Fan Page: 余媽媽手記